လည်တိုင် ရှည်ရှည်လေးဖြစ်အောင်

လည်ပင်းမှာ ရုန်းဆန့်နိုင်တဲ့ ကြွက်သားအစုအဝေးရှိပါတယ်။ အဲဒီကြွက်သားထဲမှာမှ sternocleidomastoid muscle, omohyoideus muscle နဲ့ trapezius muscle တွေက ခေါင်းရဲ့ လှုပ်ရှားမှုကို ထိန်းချုပ်ထားပါတယ်။ ကြွက်သားကို ပြေလျှော့အောင်လုပ်ပြီး အဆစ်တွေကို ဆန့်နိုင်ရင် အနည်းနဲ့အများဆိုသလို လည်ပင်း ရှည်လာနိုင်တယ်။ ကျောရိုးဆစ်တွေကြားမှာ အရိုးနု(cartilage)ဆိုတာရှိလို့ လည်ပင်းရှည်တာ ဖြစ်နိုင်တယ်။ လည်တိုင်ရှည်ရှည်လေးဖြစ်အောင် လေ့ကျင့်ခန်းကို ဦးစားပေးလုပ်ရမယ်။

ဘာတွေလုပ်မလဲ

(၁) ခါးကိုဆန့်ပြီး ရင်ဘတ်ကို ထုတ်ထားပါ။ ဗိုက်က်ို ရှပ်ထားပါ။ ပခုံးကြွက်သားကို လျှော့ထားပါ။ အသက်ကို ခပ်ဖြည်းဖြည်းရှုပြီ ခေါင်းကို ဘယ်ဖက်ပခုံးပေါ်စောင်းပြီး (၁၀)စက္ကန့် ထားပါ။ ပြီးရင် ပုံမှန်အတိုင်း ပြန်နေပါ။ ဘယ်ပြီးတဲ့အခါ ညာဖက်ပခုံးမှပေါ်စောင်းပြီးလုပ်ရမယ်။ (၁၀)စက္ကန့်ကြာ ထားပါ။ တရက်ကို အနည်းဆုံး သုံးကြိမ်လုပ်ပါ။

(၂) ပုံမှန်အတိုင်းခါးကိုဆန့်ပြီး ရင်ဘတ်ကို ထုတ်ထားပါ။ရှေးဦးစွာ ခေါင်းကိုနောက်ဖက် တတ်နိုင်သမျှ လှန်ပြီး မျက်နှာကျက်ကို မော့ကြည့်ပါ။ (၁၀)စက္ကန့်ကြာအောင် နေပါ။ ပြီးရင် ခေါင်းကို ရှေ့ကို ပြန် ကွေးပြီး ရင်ညွှန့်နဲ့ မေးရိုးထိအောင်ထား၊ ကြမ်းပြင်ကို (၁၀)စက္ကန့်ကြာ ကြည့်ပါ။ ဒီအတိုင်း အပြန်အလှန် သုံးကြိမ်လုပ်ပါ။

(၃) ခါးကိုဆန့်ပြီး ရင်ဘတ်ကို ထုတ်ပြီး ခါးထောက်ထားပါ။ ခေါင်းကို စက်ဝိုင်းပုံစံ လက်ယာရစ် သုံးကြိမ် လှည့်ပါ။ လှည့်တဲ့အခါ မေးရိုးနဲ့ ပခုံးကပ်နေရမယ်။ သုံးကြိမ်ပြည့်ရင် လက်ဝဲရစ်ပြန်လုပ်ပါ။
ဂုတ်ကျောတင်းလာတဲ့အခါတိုင်း ဒီအတိုင်း လုပ်ပါ။

နေ့စဉ် လုပ်ခြင်းအားဖြင့် တပတ်အတွင်း ထူးခြားမှုကို တွေ့ရလိမ့်မယ်။

(၄) ကိုယ်လုံးကို ကုတင်ပေါ်ထားပြီး ကုတင်စောင်းနေရာမှ ခေါင်းကို နောက်သို့လှန်ချပါ။ ပြီးရင် လည်ပင်းရိုးကို တတ်နိုင်သလောက် ဆွဲဆန့်ပြီးနောက်ကျောနဲ့ထိအောင် ကြိုးစားပါ။ (၁၅)စက္ကန့်ကြာထားပါ။ ပြီးရင် ခေါင်းက်ု ရှေ့စိုက်ပြီး ရင်ညွှန့်ရိုးနဲ့ မေးစေ့ထိအောင် ထားပါ။ ဒီပုံစံအတိုင်း (၁၅)စက္ကန့်ကြာပါစေ။ ရှေ့နောက်တကြိမ်လုပ်ပြီးရင် ကုတင်းစောင်းကနေ မတ်တပ်ပြန်ရပ်ပြီး ပုံမှန်အတိုင်း နေပါ။ အထက်ပါပုံစံအတိုင်း တရက်ကို (၃)ကြိမ်ခန့် ပြုလုပ်ပေးရမယ်။

အဆိုပါလေ့ကျင့်ခန်းတွေက သမားရိုးကျ ဂုတ်လေ့ကျင့်ခန်းတွေဖြစ်ပါတယ်။ သွေးပူလေ့ကျင့်ခန်းတွေထဲမှာ လည်းပါတယ်။ ဒီတခုတည်းလည်း မရသေးဘူး။ ဆက်လုပ်ရမှာရှိသေးတယ်။ ကြွက်သားသဘောက ကြက်ပေါင်ကွင်းနဲ့ ဆင်တူတယ်။ ဆွဲဆန့်ပါများလေ ရှည်လေ။ ဆန့်ပြီးရင် ပြန်ကျုံ့တတ်တယ်။ ပုံမှန်အားဖြင့် ၁၅မိနစ်ခန့် ကြာပြီးတဲ့အခါ ကြွက်သားက ပြန်ကျုံ့သွားလေ့ရှိတယ်။ အဲလိုမဖြစ်အောင် နောက်လေ့ကျင့်ခန်းတခု ဆက်လုပ်ဖို့ လိုပါတယ်။

ခေါင်းကို အောက်ဖက်ငုံ့ပြီး လက်ချောင်းနှစ်ဖက်ကို ယှက်ပြီး ခေါင်းပေါ်တင်ထားပါ။ ခေါင်းကို လက်နဲ့ ဖိထားစဉ်မှာပဲ ခေါင်းကို အပေါ်တတ်နိုင်သလောက် ဆန့်ပြီးမော့ပါ။ တရက်ကို ဆယ်ကြိမ်လောက် လုပ်ပါ။

တခြားနည်းက တဘတ်တထည်ကို လိပ်ပြီး ခပ်ရှည်ရှည်ဖြစ်အောင်လုပ်ပြီး ခေါင်းပေါ်တင်လို့လည်းရတယ်။ စောစောကနည်းလိုပဲ တဘတ်နဲ့ ဖိထားစဉ်မှာပဲ ခေါင်းကို အပေါ်တတ်နိုင်သလောက်မော့ပါ။ ဒီနည်းက ဂုတ်ကျောကြွက်သားတွေ သန်မာစေတဲ့နည်းဖြစ်တယ်။ အရပ်ရှည်ချင်သူတွေလည်း သုံးလို့ရတယ်။ ပိုပိုသာသာ ပြောချင်သူတွေက တလအတွင်း ၁ စင်တီမီတာလောက် ရှည်လာနိုင်သတဲ့။

ဒေါက်တာ အေးမင်းထူး